Қаңтардың 29 күні Тұңғыш Президенттің тарихи-мәдени орталығында Қазақстан Республикасы Ұлттық ұланы күніне арналған«Әрқашан жоғары даярлықта» атты көрме ашылды.
Тағлымды шараға Теміртау қаласы мектептерінің алғашқы әскери даярлық пәнінің мұғалімдері мен 5516 әскери бөлімінің сарбаздары қатысты.Аталмыш шараның мақсаты – жастарды ҚР Ұлттық ұланының тарихымен тереңірек таныстырып,өскелең ұрпақты отансүйгіштік рухта тәрбиелеуге атсалысу болды. Соған орай шараға қатысушыларға ҚР Ұлттық ұланының тарихы жайлы бейнекөрініс көрсетіліп,Теміртау қаласының білім беру бөлімінің әдіскері Е.Бисолтанов пен ҚР Ұлттық ұланы 5516 әскери бөлімінің бірінші рота командирінің тәрбие және әлеуметтік-құқықтық жұмыстары жөніндегі орынбасарыР.Асылбеков маңызды мерекемен құттықтады.Мұнан әрі қатысушылар 5516 әскери бөлімінің ұсынған жәдігерлері қойылған көрмені тамашалады. Көрмеде көпшілік назарына әскери киім үлгісі,киім-кешек және әскерилердіңкерек-жарақтары ұсынылды.Әскери әдебиеттер экспозициясынан “Бүркіт”, “Жаршысы” журналы, “5516 әскери бөліміне 25 жыл” шығарылымыжәне т.б. сияқты әртүрлі баспа басылымдарымен танысты.Көрме әскерилердің халықаралық және республикалық ауқымдағы түрлі іс-шараларға қатысуы туралы баяндайтын әр жылдардағы фотосуреттермен толықтырылған.
«Әрқашан жоғарғы даярлықта» атты іс-шара соңында Тұңғыш Президенттің тарихи-мәдени орталығының басшылығы белсенді қатысушыларға ризашылығын білдіріп, Алғыс хаттарын табыс етті.Мұнан әрі қатысушылар үшін Орталықтың экспозициялық залдарына экскурсия ұйымдастырылды.